Дорнод аймгийн төв номын сан

Төв номын сангийн  өргөтгөлийн нээлт 2014 оны 02-р сарын 24-ны 11.00 цагт Ардын уран зохиолч Ц.Дамдинсүрэнгийн хөшөөнд цэцэг өргөж төрийн дуулал эгшиглүүллээ.

Энэхүү ёслолын үйл ажиллагааг  нээж  Аймгийн тамгын газрын дарга  П.Бат-Өлзий, УИХ гишүүн, хуулзүйн дотоод хэргийн сайд ,Аймгийн засаг дарга асан Д.Одбаяр, Төв номын сангийн захирал Ж.Цагаан нар нээн үг хэллээ.

Номын сангийн өргөтгөлийн  барилгын ажлыг “ИГ” ХХК гүйцэтгэж шинэ өргөөний түлхүүр гардууллаа. Шинэ өргөөний туузыг УИХ гишүүн, хуулзүйн дотоод хэргийн сайд Аймгийн засаг дарга асан Д.Одбаяр, Аймгийн засаг дарга асан Г.Сүхбаатар, Чойбалсан сумын засаг дарга Ж.Энхцэцэг, Төв номын сангийн захирал Ж.Цагаан нар хайчилж шинэ өргөөндөө мориллоо.

Номын сангийн өргөтгөлийн  барилгын нээлтэнд урилгаар Чойбалсан сумын засаг дарга Ж.Энхцэцэг, Аймгийн засаг дарга асан Л.Сүхбаатар , ССАЖГазрын дарга Б.Чимэддорж, МХГазрын зүүн бүсийн соёл хариуцсан байцаагч Б.Мангалжав, ССАЖГазрын соёл хариуцсан мэргэжилтэн Т.Оюунбат, АЗДТГазрын соёл хариуцсан мэргэжилтэн Г.Одбилэг болон  агентлагуудын дарга, сургууль, цэцэрлэгийн захирлууд,  их дээд сургуулийн оюутнууд  уншигч нийт 100 гаруй хүн оролцлоо.

Төв номын сангийн шинэ өргөтгөлийн үзэсгэлэнгийн  танхимд нутгийн нэрт зураач, МУЭ-ийн гишүүн, СТА Пүрэвийн Мэлсийн “Цуглуулга” хэмээх үзэсгэлэн дэлгэгдлээ. Зураачийн энэхүү үзэсгэлэнд 50 гаруй уран бүтээл дэлгэгдсэний  дотор түүний өөрийн бүтээлүүдээс гадна ардын уран зураач Цэвэгжав, Г.Одон болон Дорнод нутгийн шилдэг зураачдын бүтээлийн дээжис, ОХУ, ӨМӨЗО-ны зураачдын бүтээлүүд ч багтсан байна. Ийм учраас “Цуглуулга” хэмээн  нэрийджээ. СТА Зураач П.Мэлс Монголын орчин цагийн дүрслэх урлагийн шилдгүүдийн  эгнээнд  зүй ёсоор бичигддэг билээ. Тэрээр 1972 оноос хойш 42 дахь  жилдээ уран бүтээл туурвиж байгаа юм. “Цуглуулга” үзэсгэлэн 27-ныг дуустал үргэлжилнэ.

 

Цаг хугацааны товч тvvх / Стивен Хоункинг

Гэсэр, Жангар /Ардын аман зохиол/

Дайн ба Энх /Л.Толстой/

Евгений Онегин /А.Пушкин/

Зуун жилийн ганцаардал /Габриель Гарсиа Маркес/

Ах дvv Карамазовынхан /Ф.Достоевский/

Зохиол бvтээлvvд /Д.Равжаа/

Заан залуудай /Б.Ренчин/

Сvмтэй будрын чулуу /Р.Чойном/

Хорвоотой танилцсан тvvх /Л.Тvдэв/

Хос уянга /Б.Лхагвасvрэн/

Сонгомол яруу найраг /Г.Аюурзана, Л.Єлзийтєгс/

 

Сонгомол єгvvллэг /Г.Аюурзана, Л.Єлзийтєгс/

УГЖ Сосорбарам: Ном бол хүн өөрийгөө олж харах, өөрийгөө мэдрэх, өөрийгөө таних асар том боломж.

Их олон номтой, номын сантай хүмүүс байдгийг та ер нь анзаарсан уу? Тэр хүмүүс баян учраас тийм олон ном худалдан авсан байх уу? Эсвэл урьд нь ийм олон ном уншсан учраас баян болсон юм болов уу? Та юу гэж бодож байна?

Хүн гэдэг өөрийн уншсан номын хэмжээгээр тодорхойлогдоно гэж нэгэн цэцэн хүн хэлжээ. Ном унших яагаад ийм чухал байдаг вэ?

Үг гэдэг нь хүний санаа бодол юм. Бидний сурсан үг бүхэн шинэ санаа агуулдаг бөгөөд шинэ санаа бүхэн үнэлж болшгүй зүйл юм. Дийлэнх тохиолдолд хүмүүсийн орлогын хэмжээ нь тэдний үгийн баялагаас шууд хамааралтай болохыг эрдэмтэд тогтоожээ.

Өнөө цагийн нэг давуу тал гэвэл ном амьдралын бодит хэрэглээ болсонд оршиж байна гэж би боддог. Хэрэв та өнгөрсөн зуунд амьдарч байсан бол ямар ч ном ашиглахгүйгээр суралцах байсан.

Олон жилийн туршлага судалгааны талаар бид хэдхэн цагийн дотор олоод уншиж чадна. Тэр бүх алдаа туршлагыг бид давтах шаардлагагүй. Бид зөвхөн хүссэнээ эрж олох, мэдээллийг угтан авах үүрэгтэй. Хэрэв та долоо хоногт 2 ном уншдаг байвал жилд 100,7 жилд 700-аас багагүй тооны ном уншиж чадна. 700 ном таныг өөрчилнө гэж бодож байна уу?

Үүнээс гадна цаг хэмнэх чухал арга гэвэл та хэн нэгэн сонирхолтой хүнтэй танилцвал ямар нэгэн яриагаар цаг нөгцөөхийн оронд түүний уншсан хамгийн сайн 3 номны тухай асуу. Дараа нь дахин нэг алхам хийж яагаад хамгийн сайн ном гэдгийг нь асуу. Ингээд та хариуцлагатай уншигчаас үнэгүй зөвлөгөө авч хэдхэн минутын дотор тэдгээр номнуудыг унших эсэхээ шийдсэн байх болно. Ийм аргаар бид зарим эрдэнэсээ номноос олдог юм.

Хэрэв та уран зохиолын ном их уншвал өөрийгөө уран яруу үгээр илэрхийлж сурна, мэргэжлийн номоо их уншдаг бол ирээдүйд мэргэжлийнхээ ажилд заавал амжилт олно, амьдрах ухааны ном уншдаг бол та амьдралынхаа төгсгөлийг алдаандаа харамсажөнгөрөөх байсныг өөрчилж болно.

ном уншсанаар эзэмшиж болох чадварууд:

1. Бусдыг сонсож сурах /хүний яриаг таслахгүй байх/

2. Хэнд ч муу зүйл хийхгүй байх, шоолохгүй байх

3. Ажилд дуртай болох /ямар нэг зүйл бүтээх сонирхолтой/

4. Өөрийн сонгосноо зөв замаар олж авах

5. Зөв сайхан ярих /бүдүүлэг үг хэрэглэхгүй байх/

6. Орчин тойрноо хайрлан хамгаалах /цаас, шил гэх мэтийн хаягдлыг дахин боловсруулахын төлөө хичээл зүтгэл гаргах, ой модоо хайрлан хамгаалах, мод тарихын ач холбогдлыг ойлгох, хот орчноо цэвэр байлгах/

7. Бусдын даатгаж үлдээсэн зүйлийг хайрлйн хамгаалах

8. Аюул, ослоос сэргийлэх

9. Бодол санаа, мэдрэмжээ зөв, чөлөөтэй илэрхийлэх

10. Бусдын сэтгэлийг ойлгох

11. Бусдыг хүндлэх /замын хөдөлгөөний дүрмийг сахих, дараалалд зогсох гэх мэт/

12. Тэвчээртэй байх, хүнд хэцүү нөхцөлд зоригтой байх

13. Замбараатай, төлөвлөгөөтэй байх /цаг хугацааны үнэ цэнийг ойлгох/

14. Ном уншихын ач холбогдлыг ойлгох, унших, сонсох дадалтай болох

15. Зорилготой байх /зөв зорилт тавих/

16. Хариуцлага хүлээх чадвар эзэмших /үүргээ биелүүлээгүйгээс гарах муу үр дагаваруудыг ойлгох/

17. Муу зуршлаас хол байх

18. Соёлч боловсон байдалд сурах

19. Хүмүүст туслах

20. Бидний биеийн бүтэц ямар гайхамшигтай, ямар нарийн бүтэцтэй болохыг олж мэдэх

21. Хийсэн алдаандаа уучлалт гуйж сурах

22. Өгөөмөр сэтгэлтэй байх

23. Бусдыг хайрлан халамжлах

24. Эцэг, эхийн хайр энэрлийг ухаарах,тэднийг хүндэтгэх

25. Ах дүү нараа асран хайрлах

26. Ахмад настныг хайрлах, хүндэтгэхийг

27. Биеэ зөв авч явах

28. Бусадтай аливааг хуваалцах

29. Зөв шударга байхын ач холбогдол

30. Томчуудыг хүндэтгэх, тэдний үгийг сонсож сурах

31. Халуун ам бүлээрээ байхын сайхныг ойлгох

32. Хэлсэн амандаа хүрэхийн ач холбогдол

33. Ариун цэврийг сахих

34. Ариг гамтай байх, эд зүйлсээ гамтай эдлэх

35. Бусдын эд зүйлийг зөвшөөрөлгүй авахгүй байх, хулгай хийхгүй бай

36. Эрүүл байх болон зөв хооллохын ач холбогдлыг ойлгох

37. Талархлаа илэрхийлж сурах

38. Зурагт үзэх цагаа тогтоож сурах

39. Ах дүү, хамаатан садан, айл хөршийн хүмүүстэй сайн харилцаатай байх

40. Өвчтэй нэгнийгээ эргэж, асарч халамжлахыг сурах

41. Амьд байгаль, орчин тойрноо хайрлан хамгаалах

42. Зөв цэвэрхэн хувцаслах

43. Эхэлсэн ажлаа дуусгаж сурах

44. Бусдыг уучилж сурах

45. Уур бухимдлаа барьж сурах

46. Асуудлыг оновчтой шийдвэрлэхэд сурах

47. Дур мэдэн аливаа асуудалд хандахгүй байх буюу томчуудын зөвшөөрөлтэйгөөр хандах

48. Аз жаргалтай байхын нууц нь бусдыг ойлгон хүндэтгэхэд байдаг гэдгийг ойлгох

49. Зочдыг найр тавин хүлээж авах, тэднийг хүндэтгэн зочлох

50. Найз нөхдөө асууж сураглаж сураглаж байх, анхаарал тавих

51. Мэндлэх, амар мэндийг асуухын чухлыг ойлгох

 

Ном таныг гэрэлтүүлнэ, уншигч та замаа олно.

ТА МАНАЙ НОМЫН САНД БОЛОН НОМЫН САНГИЙН ГАДНА ТАЛБАЙ ОРЧИМД ӨӨРИЙН ГАР УТАС БОЛОН ЗӨВРИЙН КОМПЬЮТЕРЭЭР ҮНЭГҮЙ УТАСГҮЙ ИНТЕРНЕТИЙН ҮЙЛЧИЛГЭЭ АВАХ БОЛОМЖТОЙ БОЛЛОО.