Дорнод аймгийн төв номын сан

Америкийн их дээд сургуулиудад элсэхийн тулд хэрхэн амжилттай бэлтгэх вэ?  Энэ талаар EducationUSA Mongolia боловсролын зөвлөх нар зөвлөгөө мэдээлэл өгөх болно.

Хаана:Дорнод аймгийн төв номын сан

Хэзээ: 2014 оны 4 дугаар сарын 17 Пүрэв гаригийн 16 цагт

Холбоо барих: Дорнод аймаг дахь Америкийн соёл мэдээллийн төв,

Дорнод аймгийн төв номын сан Утас: 7058 3259

Дэлхийн үлгэрийн хаан Дани улсын их зохиолч Ханс Крестианс  Андерсений мэндэлсэн өдөр  4 дүгээр  сарын 2-ныг Дэлхий дахинаа олон улсын хүүхдийн номын баярын өдөр болгон тэмдэглэн өнгөрүүлдэгтэй холбогдуулан Хэрлэн сумын цэцэрлэгүүдийн дунд “Дэлхийн шилдэг үлгэр”-ээр дүрийн тоглолтын уралдааныг 2014 оны 04 дүгээр сарын 02 нд төв номын сангийн соёл олон нийтийн танхимд зохион байгууллаа. Тус уралдааны шагналын санг ХААН Банк ивээн тэтгэж хамтран ажиллаа.

Энэхүү үйл ажиллагааг 6-р цэцэрлэгийн бяцхан багачууд  “Ном” дуугаар эхэлж Аймгийн төв номын сангийн захирал Ж.Цагаан, ХААН  Банкны харилцааны менежер Ц.Тунгалаг  нар мэндчилгээ дэвшүүлж үйл ажиллагааг нээлээ.

Дүрийн тоглолтонд Хэрлэн сумын 2,4,6,8,11,12,14  Сэргэлэн багачууд нийт 8 цэцэрлэгийн  144 хүүхэд амжилттай оролцож Ерөнхий шүүгчээр Хүүхэд гэр бүл хөгжлийн хэлтсийн мэргэжилтэн Д.Гантуяа,шүүгч ХДТеатрийн драм ангийн жүжигчин Л.Амарзаяа, Шүүгч ХДТеатрийн драм ангийн жүжигчин С.Мөнхтөр нар шүүн явуулж дүрийн тоглолтыг  3 үзүүлэлтээр дүгнэж

Тэргүүн байр  14-р цэцэрлэг Нурефшан Чаглигову зохиол “Эмч зөгий зэн зэн” үлгэр 53 оноогоор өргөмжлөл,мөнгөн шагнал 150.000 төгрөг

Дэд байр  2-р цэцэрлэг  Андерсены “Ямх охин” үлгэр 52 оноогоор Өргөмжлөл, мөнгөн шагнал 100.000 төгрөг

3-р байр 12-р цэцэрлэг Орос ардын үлгэр “Туулайн байшин” үлгэр 48 оноогоор  Өргөмжлөл, мөнгөн шагнал 70.000  төгрөгөөр тус тус шагнагдлаа.

Залуу үеийг цэрэг, эх оронч үзлээр хүмүүжүүлэх, улс түмний найрамдал, энх тайван, эв нэгдлийн үзэл санааг түгээн дэлгэрүүлэх, Монгол улсын Дорнод аймаг, домогт Халхын гол нутгийн нэрээр нэрлэгдэх урлагийн шилдэг бүтээл туурвих явдлыг хөхүүлэн дэмжих зорилгоор Халхын голын тулалдааны түүхт ялалтын 75 жилийн ойг тохиолдуулан “Халхын голын ялалтын цом-2014” яруу найргийн бүтээлийн үндэсний хэмжээний наадмыг Монголын Зэвсэгт хүчний өдөр буюу 3-р сарын 18 наас эхлэн нийт зохиолч, яруу найрагчдын дунд зарлаж байна.

Наадамд бүтээлээ ирүүлэх эцсийн хугацаа:

2014 оны 05 дугаар сарын 18

Наадамд ирүүлэх бүтээлд тавигдах шаардлага: Наадамд ирүүлэх яруу найргийн бүтээл нь цэрэг, эх орны сэдвээр шинээр бичигдсэн байх ба урьд өмнө хэвлэгдэж нийтлэгдээгүй, Arial Mon 12  үсгээр 200 мөр хүртэл хэмжээтэй, шүлэг, дууль, бэсрэг найраглалын хэлбэрээр  байж болно. Зохиолч яруу найрагчид бүтээлээ цахим хэлбэрээр ирүүлсэн бол наадмын дүн гарахаас өмнө өөрийн гарын үсгээр баталгаажуулсан цаасан хэлбэрээр дахин ирүүлэх  шаардлагатай. Уг бүтээлийн эхийг зохиогчид буцаахгүй.

Уралдааныг ССАЖЯам, БХЯам, МЗЭвлэл, Дорнод аймгийн ЗДТГазар, Утга зохиолын нэгдлийн хамтарсан шүүгчдийн зөвлөл эрхлэн явуулж дүнг 2014 оны 06 дугаар сарын 18 ны дотор гаргаж нийтэд мэдээлнэ. Уралдааны эхний шатанд бүтээлээ ирүүлсэн оролцогчдоос шилдэг 25 яруу найрагчийг сонгон дараагийн шатны шалгаруулалтанд оролцуулна.

“Халхын голын ялалтын цом-2014” наадмын бүтээлийг Дорнод аймгийн төв номын сангийн арга зүйч Ж.Соня хүлээн авна.

Харилцах утас: 9958-5783, 9957-4946

Уралдаанд тэргүүлсэн яруу найргийн нэг бүтээлийг  Дорнод аймгийн Засаг даргын нэрэмжит “Халхын голын ялалтын цом”, дурсгалын зүйл, 3.000.000 төгрөгөөр шагнана.

Дэд байр /нэг/ өргөмжлөл  дурсгалын зүйл, 1.000.000 төгрөг

Гутгаар байр /нэг/  өргөмжлөл, дурсгалын зүйл,  500.000 төгрөг

Тусгай шагнал /долоо/ дурсгалын зүйл, тус бүр  300.000 төгрөг

Яруу найргийн наадамд оролцож шалгарсан зохиолч, яруу найрагчдыг  БХЯамнаас зохион байгуулж Дорнод аймаг, Халхын голын домогт нутгаар хийх тойрон аялалд оролцуулж уншигч олон түмэнтэйгээ уулзалт хийх, уран бүтээлээ сурталчлах боломжоор хангана.

Наадамд оролцсон шилдэг бүтээлүүдийг эмхэтгэн орос хэл дээр хөрвүүлж Халхын голын түүхт ялалтын 75 жилийн ойд зориулан ССАЖЯамнаас эрхлэн монгол, орос хэл дээр гаргах  цэрэг, эх орны сэдэвт яруу найргийн номд хэвлэн нийтэлнэ.

Нийт яруу найрагч, зохиолчдыг наадамд оролцохыг урьж байна.

Монгол Улсын

ССАЖЯам                                                 БХЯам

Дорнод аймгийн  ЗДТГазар                       Монголын Зохиолчдын Эвлэл

Дорнод аймгийн Утга зохиолын нэгдэл

Төв номын сангийн  өргөтгөлийн нээлт 2014 оны 02-р сарын 24-ны 11.00 цагт Ардын уран зохиолч Ц.Дамдинсүрэнгийн хөшөөнд цэцэг өргөж төрийн дуулал эгшиглүүллээ.

Энэхүү ёслолын үйл ажиллагааг  нээж  Аймгийн тамгын газрын дарга  П.Бат-Өлзий, УИХ гишүүн,хуулзүйн дотоод хэргийн сайд,Аймгийн засаг дарга асан Д.Одбаяр,Төв номын сангийн захирал Ж.Цагаан нар нээн үг хэллээ.

Номын сангийн өргөтгөлийн барилгын ажлыг “ИГ” ХХК гүйцэтгэж шинэ өргөөний түлхүүр гардууллаа.

Өргөтгөлийн туузыг УИХ гишүүн,хуулзүйн дотоод хэргийн сайд Аймгийн засаг дарга асан Д.Одбаяр, Аймгийн засаг дарга асан Г.Сүхбаатар,Чойбалсан хотын захирагч  Хэрлэн сумын засаг дарга Ж.Энхцэцэг, Төв номын сангийн захирал Ж.Цагаан нар өргөтгөлийн шинэ өргөөний туузыг  хайчилж шинэ өргөөндөө мориллоо.

Номын сангийн өргөтгөлийн  барилгын нээлтэнд урилгаар Чойбалсан  хотын захирагч Хэрлэн сумын засаг дарга Ж.Энхцэцэг, ,Аймгийн засаг дарга асан Л.Сүхбаатар, ССАЖГазрын дарга, Б.Чимэддорж,МХГазрын зүүн бүсийн соёл хариуцсан байцаагч Б.Мангалжав, ССАЖГазрын соёл хариуцсан мэргэжилтэн Т.Оюунбат, АЗДТГазрын соёл хариуцсан мэргэжилтэн Г.Одбилэг болон агентлагуудын дарга,сургууль, цэцэрлэгийн захирлууд, их дээд сургуулийн оюутнууд уншигч нийт 100 гаруй хүн оролцлоо.

Төв номын сангийн шинэ өргөтгөлийн үзэсгэлэнгийн  танхимд нутгийн нэрт зураач, МУЭ-ийн гишүүн,МУСТА Пүрэвийн Мэлсийн “Цуглуулга” хэмээх үзэсгэлэн дэлгэгдлээ.Зураачийн энэхүү үзэсгэлэнд 50 гаруй уран бүтээл дэлгэгдсэний  дотор түүний өөрийн бүтээлүүдээс гадна ардын уран зураач Цэвэгжав, Г.Одон болон Дорнод нутгийн шилдэг зураачдын бүтээлийн дээжис, ОХУ, ӨМӨЗО-ны зураачдын бүтээлүүд ч багтсан байна.

Ийм учраас “Цуглуулга” хэмээн  нэрийджээ. СТА Зураач П.Мэлс Монголын орчин цагийн дүрслэх урлагийн шилдгүүдийн  эгнээнд  зүй ёсоор бичигддэг билээ.Тэрээр 1972 оноос хойш 42 дахь  жилдээ уран бүтээл туурвиж байгаа юм. “Цуглуулга”үзэсгэлэн 27-ныг дуустал зохион байгуулагдсан байна.